منتدى دفعتي


 
الرئيسيةمركز التحميلالتسجيلدخول
قروب المنتدى
مجموعات Google

اشترك في قروب

منتدى دفعتي

البريد الإلكتروني:

زيارة هذه المجموعة
المواضيع الأخيرة
إعلان
 
الإخوة الكرام يود منتدى دفعتي الإعلان عن
فتح باب اللإشراف فعلى الراغبين
 التواصل معنا عبر إيميل المنتدى
مع العلم أنه يشترط على من يريد طلب الاشراف
ان يكون لديه على الأقل 25 موضوعا قي المنتدى
 بالإضافة إلى أننا نستقبل ملاحظاتكم وآرائكم
على نفس الإيميل المذكور ولكم منا كل التقدير والاحترام
طفل غزة
هذا الطفل هو الجيش الذي تحاربه دولة الكفر إسرائيل لعنها الله.. رحمه الله وجعله أحد طيور جنته هو وأمثاله من الأطفال الذين لم
تستطع الكاميرا التقاط صورهم ..
انصرو أهلكم في غزة
إخوتنا الكرام هنيئا للأمة الإسلامية بنصر غزة وهنيئا لأهل غزة بحصد الشهداء رفعا واعلاء لكلمة الله
ليس علينا الا الدعااااااء فلندعو لهم بان يفرج الله همهم وان يرفع عنهم الحصار وان يؤوي من يسكن منهم الان بالعراء ولندعمهم ايضا باموالنا ولعله هنا بمدني نجد نشاط اخواننا في جمعية انصار الخيرية التي تبذل الجهد بجمع المال لاهل غزة فلا تبخلو على انفسكم بالحسنات ولا على اخوانكم بالعون والمساعده وفقكم الله.
تصويت
منع الاكياس في السودان وبالتحديد مدني صح ولا غلط؟؟
 صح
 خطأ
استعرض النتائج
أفضل 10 أعضاء في هذا المنتدى
Medicalshark
 
zmzamia
 
شمس الجزيره
 
bioman
 
master
 
freeway12go
 
م.الاء
 
KhaliD26080
 
معاذ فيزياء
 
bakonda
 

شاطر | 
 

 طالبة عريس..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
zmzamia
**مشرف ركــن الهندسة الكيميائية**
**مشرف ركــن الهندسة الكيميائية**
avatar

العمر : 35
المزاج : ممتاز
الدفعة : 25
التخصص : هندسة وتكنولوجيا الكيمياء
الوسام :
نقاط : 3
تاريخ التسجيل : 19/07/2008

مُساهمةموضوع: طالبة عريس..   23/7/2008, 6:20 pm


لي إيــدينا بنــــــــرفع *** والعازب كلو بيســــــــمع
نفوسنا كتير مشــتاقة *** للراعي دوام نتضـــــــــرع
شعارنا عريس متواضع *** ياخي ياقدر اسمع أجمع
نحن البايرات في لهفة *** والعمـــــــــر ولـــي وودع
نحن مساكين ياجماعة *** وللجنة دوام نتطــــــــــلع
لو واحد قام وأتقــــــدم *** في لحظة نلبي ونسمع
***
بلاش عربيــــة خصوصي *** مالو الكداري دا هســـع
بلاش من شبكة وشيلة *** بي أبســط حاجة بنقنع
البيت ماشــــــرط عمارة *** دي مظاهر ساكت تخدع
لي جنة نضيرة نحــــــول *** البيـــت الخرب البجمـــع
ما شـــــرط تجيب تلاجة *** كفاية الزيـــــــــــر البنقع
***
ما دايرين كبدة وشـية *** بي ويكة تقيلة بنشـــــــبع
ما أصلو شــبابنا الودع *** ما ممكن تانــــــي بيرجــــع
أحلامنا الكانت بــدري *** ما عادت تانـــــي بتنفــــــع
دايرين الشاب الأغبش *** حتى لو فقــــــران ومقطع
لانو الفيهو الفايــــــــدة *** ليهــــــــــــو دوام نتطلــــع
حياة الســــــترة أملنا *** انشاء الله ربنــــــا يجمــــع
يحن الله عليــــــــــــنا *** ونشــــــيل أيدينا ونرفـــــع
***
للرب شـــــكوانا بنرفع *** والبايـــر كله بيســـــــــــمع
في دربك يامـــا جرينا *** والعين الســــــاهرة بتدمع
كم مرة ايدينا اتمـدت *** والرد الجــــــارح اقنــــــــــع
احلامكم والله غريبــة *** وللعـــــــين بتزغلل وتذلــــع
طلباتكم لينا تحيــــــر *** جايين تتواضعوا هســــــــــع
ما جينا زمان شن قلتو *** يافقير يامقطـــــــع أرجــــع
***
ما عندك حق الســــــــفة *** لابس دمـــــــور ومرقع
دايرين العنــــــــــدو مصانع *** لو كان لي غيروا بيركع
ما جينا زمان شــــــن قلتو *** يافقير يا مقطـــع أرجع
في جيوبك ساكنة عناكب *** لو كان باعوك ما بتنفع
دايرين العنـــــــدو الفـــــلة *** لو كان حنكوش ومدلع
ما جينا زمان شـــــن قلتو *** يا فقير يا مقطـــع أرجع
***
لو ماشـــي لآخر الدنيا *** تركــب رجليك تتبرطــــــع
دايرين العنــــــــدو البنز *** لو يبقى عجـــــــوزاً أصلع
ما جينا زمان شن قلتو *** يافقير يامقطع ارجـــــــــع
يا البيتـــك مبني زبالة *** ومن غير فيضــــان يتزعزع
دايرين العنــــــدو الفيلا *** لو كان صغيـــــر بيرضــــع
ما جينا زمان شن قلتو *** يا فقير يامقطـــــع أرجــع
***
وموكيتاً فخـــماً فاخــــــــر *** ونجفاً بالـــدر مرصــــع
والكندشة فريون ضــــاربة *** وثلاجة فريــــــزر تجمع
بي فيديو كاسـيت وأتاري *** نتسلى لو وكتنا نضيع
ما جينا زمان شـــن قلتو *** يافقير يامقطع أرجــــع
***
دايرين زنقيل ومقنــــــدل *** لو كان تمســـــاحا يبلع
والعملة الحرة ضــــــروري *** والمهر دولارا يدفــــــــع
وبشرط الشــيلة العامـرة *** والكرسي الجابر يلمـــع
وذهباً مختوم وأســـــــاور *** مليانة الإيد للأصـــــــبع
وضروري الحفــــــلة بوردي *** والكابلي اللحنو موقـع
ونقضي عسل في أوروبــا *** ونطوف العالم أجمــــع
بي لندن وروما وموســـكو *** وفينا المدن الأربــــــــع
نلبس في الكاسي العاري *** ولو طلعت موضة بنتبع
وناكـــل فاكهة طـــــــازجة *** وبالخير نتمتع ونشـبع
أفلامـــكم والله عجيبـــــــة *** خلونا نحمض ونطبـــع
ماجينا زمان شـــــــن قلتو *** يامبهدل أوعك تطمـع
***
مد رجليك قـــــدر لحافك *** وشوف ليك طـورية وأزرع
لي مين تتقــــــــدم انت *** يا قرد ياقبيح يا مبرقـــــع
كيفن بتحـــــب يا أغبش *** من غير شاكوش تتفرقع
لو كان بنحــــــــب الزيك *** ما أخير الموت الأســـــرع
لو مت وفاتك تفــــــــــرح *** ولو عشت حياتك تفجـع
ولو تبقي ضراعي الأيمن *** في لحظة بنقطع ونجدع
***
ما قلنا الدنيا دي فانية *** وآمالنا مظاهـــــر تخــــدع
اختاروا العندو ديانـــــة *** الديمة وشـــــــو بيلمـــــع
قلتولنا خلاص انتظـــرو *** الحــور في الجنة بتنفـــــع
الليلة قطـــــــركم صفر *** والعمـــــــــــــــر ولى ودع
عجزتو قعــــــدتو تقولوا *** واشبابنا الأغبـــــش أجدع
ماجينا زمان شن قلتو *** يافقير يا مقطــــع أرجــــــع
***
ما جينا زمـــان ليه كنتو *** جاهــلننا زي الشــــــــفع
ما خلاص الليلـة وقعتوا *** من قد القفة الأوســـــــع
والليلة قطركــــــــم دور *** وقعتوا في وش المدفــــع
رافعين الراية البيضـــــاء *** لكن هيهــات ما بتنفــــــع
رافعين لعرس جماعي *** وفي العشرة ألف ما بنطمع
وهنياً ليكم كبدة وشية *** بعـــد الأضراس تتخلــــــــع
الرجوع الى أعلى الصفحة اذهب الى الأسفل
Medicalshark
**المشرف العـــــــام**
**المشرف العـــــــام**
avatar

العمر : 34
الموقع : السودان-مدني
العمل/الترفيه : خريج جامعة الجزيرة/الانترنت والبلياردو
المزاج : تمام والحمد لله
الدفعة : 26
التخصص : هندسة طبية
الوسام :
نقاط : 26
تاريخ التسجيل : 30/05/2008

مُساهمةموضوع: رد: طالبة عريس..   31/7/2008, 1:30 am

ههههههههههههههههههههههههههههه رووووووووووووووعه وبالجد العزوبيه صعبه والزواج اصعب..

_________________
الرجوع الى أعلى الصفحة اذهب الى الأسفل
zmzamia
**مشرف ركــن الهندسة الكيميائية**
**مشرف ركــن الهندسة الكيميائية**
avatar

العمر : 35
المزاج : ممتاز
الدفعة : 25
التخصص : هندسة وتكنولوجيا الكيمياء
الوسام :
نقاط : 3
تاريخ التسجيل : 19/07/2008

مُساهمةموضوع: رد: طالبة عريس..   9/8/2008, 4:33 pm

ههههه...
الشكر موصول لكل من مر على الموضوع ولك بالاخص على التعليق وبالجد (كدة ووب وكدة ووبين)
لكن الاستقرار وبناء حياتك الخاصة (لو لقيت بت الحلال) طبعا جميل جدا
تحياتي وشكرا
الرجوع الى أعلى الصفحة اذهب الى الأسفل
صبري بشير عبد الواحد

avatar

الدفعة : الهندسه
التخصص : كهرباء
نقاط : 1
تاريخ التسجيل : 15/12/2014

مُساهمةموضوع: رد: طالبة عريس..   29/6/2015, 4:00 pm

رايع
الرجوع الى أعلى الصفحة اذهب الى الأسفل
 
طالبة عريس..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى دفعتي :: أركان الأسرة :: فيض القلم (الشعــــــــــــــــر)-
انتقل الى: